(((@*** أخلط ... خوذ بايك ***@)))

[حاج عدنان]

ظاهرة إستبدال المدربين يا سادة عادة قديمة ... و اللي ما فهمتوش ... علاش المدربين اللي يطلعوا بجمعيتهم للنسيونال ... رؤساء الجمعيات أغلبهم ما يخلوهمش ... و علاش كيف يبيع البريزيدون متع الجمعية 3 و إلا 4 ملاعبية صحاح ... و تتراجع النتائج ... يمشي يلوج على مدرب جديد ... و كيف الملاعبية يضيعوا برتيات ساهلين ... يبدل المدرب ... و كيف ما تاخوش تيتر ... يبدل المدرب ... و حتى كيف تاخو تيتر يبدل المدرب ...
كيفاش يحبوه هالمدرب ... كامل الأوصاف ... و إلا نص الباس ... و إلا première main
http://ab.img.v4.skyrock.com/ab9/amazighna/pics/1072783860.jpg

آنا لقيت حل لرؤساء الجمعيات ... شيئ ينسي فاللي فات

المكان ... السوق الاسبوعية

المناسبة ... بالة متع فريب

بالة شنوة ؟؟؟؟ ...... بالة متع مدربين

و العمال على ربي

إستفتاح خلي الزوالي يرتاح...
حويجة بلار ... و أرخس حتى مالبازار...
أخلط ... أخلط .... أخلط ....
فرصة لا تعاد يا مدام سعاد ...
بالة مدربين و يعجلنا ديما زاهين ...
يا سي عشاب ... يا سيد أحمد ... يا سي اللي ما عندوش ....
تفظلوا ما تحشموش ... و قلب على روحك ... نوع عمرك ما شفتوش...
حويجة سمحة ... إيجا طل و آعمل لمحة...
خبرة ... طموح و عزيمة ... و على كل لون يا كريمة ...
مدرب تيتروات ... و على الكبي أمسح مات ...
مدرب كأس ... خطة و تدبير و كمباس...
مدرب وسط ترتيب ... أمرو محير و عجيب ...
مدرب تفادي النزول ... تذبح كبش و ستة عجول ...
آه يا كمال ... حويجة مش نرمال ... كي تحب تطلع للنسيونال ...
إمشي و إيجة ... و زغرودة من خالتي بهيجة ....
الله مصلي على النبي ....
ليوما راهو نهار كبير ... قرب تاخو حويجة خير ...
يا سي المدب ... يا سي كمال ... شوف وقلب حاجة هبال...
إيجا وشوف ... تلقا أحسن الضروف ...
نقبل لقديم ... مهما يكون ... و تاخذ كعبة " فارقسون" ... آما تزيدني 100 مليون
يا قليل يا زوالي ... إيجا ما توخرش لتالي
حاير فاش ... و ما عندكش تهز بلاش ...
يا سي صيود ... خمسة في عين الحسود ...
خوذ حويجة للرفيون ... توت أبسيون ... و هات حتى 500 مليون
و عندك كادو ... كارت متع تالفون

أخلط ... أخلط ... أخلط
و يا كمالهم

الحاج http://www.tunisia-sat.com/vb/images/smilies/36_1_12%5B1%5D.gif

[wassim_ca]

تبارك الله عليك يا حاج ديما مواضيع حلوة خليتني أنشك أنك خدمت في نصبة متاع فريب قبل.
الحاصل كل رئيس متاع جمعية باش ميطيرش من الكرسي متاعوا لازم واحد أخر يطير و الأكيد موش 11 لاعب لكن يطير المدرب أخف حاجة و أبرز مثال أنا إستغربت كيفاش جندوبة تتخلى على المدرب اللى أنقذها من الطياح و جابت مدرب جديد علاش الله أعلم تكتيك مسؤولين و في أخر الموسم تلقاه يجري عليه من مكان لأخر باش يرجع يدرب و يمنع الفريق و الجمهور هو اللى يحكم كان صفر 2 مباريات على المدرب الماتش الثالث تشوف وجه جديد على البنك و هي ماشية.
ربي يهدي و إن شاء الله كل مسير وقت ميجيب مدرب يعرف عليه كل شيء و هو يقيم العمل موش الجمهور

[حاج عدنان]

تبارك الله عليك يا حاج ديما مواضيع حلوة خليتني أنشك أنك خدمت في نصبة متاع فريب قبل.
الحاصل كل رئيس متاع جمعية باش ميطيرش من الكرسي متاعوا لازم واحد أخر يطير و الأكيد موش 11 لاعب لكن يطير المدرب أخف حاجة و أبرز مثال أنا إستغربت كيفاش جندوبة تتخلى على المدرب اللى أنقذها من الطياح و جابت مدرب جديد علاش الله أعلم تكتيك مسؤولين و في أخر الموسم تلقاه يجري عليه من مكان لأخر باش يرجع يدرب و يمنع الفريق و الجمهور هو اللى يحكم كان صفر 2 مباريات على المدرب الماتش الثالث تشوف وجه جديد على البنك و هي ماشية.
ربي يهدي و إن شاء الله كل مسير وقت ميجيب مدرب يعرف عليه كل شيء و هو يقيم العمل موش الجمهور


الكل يعلم يا صديقي أن المسير ... أو بالأحرى رئيس الجمعية الباحث عن أسهل الحلول ... للبحث عن الاموال لتحريك دواليب الجمعية ... من خلال بيع اللاعبين الممتازين هم أصل البلية ...
فبين عشية و ضحاها يجد أن فريقه يصارع من أجل النزول ... و يجي يربح يصيدو بو ربيح ... ترصيلو يبدل في مدرب ... بكنترا جديد ... و شهرية جديدة ... و يكثر في البريمات ... و يلوج على النتيجة ... و هو على أعصابو ... يشري البرتيات ... و الاربيتراج ... و كان لزم الجامعة ... و بالطبيعة كل مرة أنترونور جديد ... و يا ستار تستر... و ديما يقرا حسابو اللي يلزم يخلي تفتوفة في الجيب ...
عمرنا الكل و العلة قدامنا و نعرفوها ... آما الدوا يجيبو ربي ...
اللي يشد رئيس ... يخمم كيفاش باش يتمعش ... قبل ما يخمم كيفاه باش يفيد الجمعية ... ماشي في بالو اللي الجمعية "كونت إيبارنيو" c.épargne


الحاج http://www.tunisia-sat.com/vb/images/smilies/36_1_12%5B1%5D.gif

[MRASSI]

انا نعرف اللي يحب يخدم جمعيتو يطوع و يدفع من جيبو...للاسف قاعدين نشوفوا فب ناس تخدم في مصالحها بالاضافة الى ناي شادة الجمعيات تحت وصاية كبارات النادي اللي يتبعوا....حصيلوا الاعب من حقوا ضمان مدخول ...و الجمهور من حقوا نتائج الفريق تكون باهية لكن موش من حق الرئيس متاع النادي يلعب بعواطف الجماهير و عطاء اللاعبين....اذا يحب يعمل على قرنو يشري النادي بفلوسو و بعدها يعوج كبوسو باش ما يلوم عليه حد يا خويا الحاج.

[linc]

Ya3tik sa7a ya 7aj klamek fi blasstou et s7i7 1000%

[MAiZA]

أنا الكلمة الوحيدة التي بقيت في ذهني عندما غابت النتائج عن الإفريقي في مرحلة الذهاب و 3 تعادلات متتالية...

بن شيخة قال أن فعل كل شيء...

وضع أفضل تشكيلة و حضر اللاعبين نفسانيا...

لكن الشيء الوحيد الذي لم يفعله أنه لم يسجل هدف لأنه ممنوع عليه...

و مثال طارق ثابت كذلك...

الملعب القابسي 10/10 لكن ليس ذنبه أن يضيع لاعب ضربة جزاء أو لاعب يراوغ بالحارس و الكرة تصطدم بالعارضة...

الله غالب هذاكا قانون اللعبة و الممرن نفسه يعرف أنه في 365 يوم يشتغل 150 يوم و يبقى عاطل بقية أيام السنة...

[حاج عدنان]

انا نعرف اللي يحب يخدم جمعيتو يطوع و يدفع من جيبو...للاسف قاعدين نشوفوا فب ناس تخدم في مصالحها بالاضافة الى ناي شادة الجمعيات تحت وصاية كبارات النادي اللي يتبعوا....حصيلوا الاعب من حقوا ضمان مدخول ...و الجمهور من حقوا نتائج الفريق تكون باهية لكن موش من حق الرئيس متاع النادي يلعب بعواطف الجماهير و عطاء اللاعبين....اذا يحب يعمل على قرنو يشري النادي بفلوسو و بعدها يعوج كبوسو باش ما يلوم عليه حد يا خويا الحاج.


يا خويا الباهي ... أحنا لازمنا رئيس جمعية أنترونور ... يكون يفهم في التدريب ... لاباس عليه ماديا ... و عندو شخصية قوية نوعا ما ...
بالطريقة هاذي ... ما يلوج كان على مصلحت الجمعية ... en plus الملاعبية الكل يشدو الريقلة ... على خاطر متأكدين اللي الدنيا لكل باش تتغير إلا المدرب



الحاج http://www.tunisia-sat.com/vb/images/smilies/36_1_12%5B1%5D.gif

[حاج عدنان]

شباب بالله الأحد الجاي عندي واحد حبيييييب باش يحل بالة متع des arbitres

هاوكا ما فيها باس الحاضر يعلم الغايب ...

حاجة بركة ... راهي سلعة دوريجين ...

ماهياش تونسية ...

و اللي يدعثر في علي بالناصر يقلو ...



ملاحظة : الكريدي ممنوع ...
http://www.tunisia-sat.com/vb/images/super_smilies/167.gifhttp://www.tunisia-sat.com/vb/images/super_smilies/167.gifhttp://www.tunisia-sat.com/vb/images/super_smilies/167.gif
دون إحراج يعيشكم

حصريا على تونيزياسبور
العجلة ديما تدور
:(


الحاج http://www.tunisia-sat.com/vb/images/smilies/36_1_12%5B1%5D.gif

[Anis_El_Beji]

:)

والله يا حاج فكرتني بشيوبة يخدم في سوق الأحد متاع سوسة....
هوما حوايج هوما!!!???
عفوا....
هوما مدربين هوما!!??

[jihed ben youssef]

خاصة الفرق الي في الرابطة الثانية